潛水可以將身體沉在無底的海，感受無重狀態，令人樂不思蜀。可惜，海底世界始終不屬我們「地頭」，若稍有不慎，隨時步鱷魚先生後塵，向大海Say GoodBye！林嘉欣、呂頌賢及葉童等一班海底奇兵，特別醒你海底生存妙法，你游出生天！
呂頌賢 安全至上潛水程度早已達練訓練官階級的呂頌賢，多年潛水經驗的他經歷最危險的一次，就是早年剛獲發牌照不久與電視台到澳洲拍攝旅遊特輯。當時升上水面之際，突然發現氧氣耗盡，幸好諳水性逃過一劫。呂頌賢與水中動物接觸良多，他表示雖有潛在危險，但只要不主動挑釁，一般動物均不會主動攻擊：「就算係鯊魚都唔會主動攻擊人，除非佢覺得有壓力，好似鱷魚先生咁發生意外，相信都係因為佢故意走得好近，拍攝珍貴鏡頭先會咁出事。」
寇鴻萍 練指點身為兩女之母的寇鴻萍，喜歡與囡囡一齊潛水︰「我同兩個女都冇潛水牌，所以次次都有練身邊，所以唔驚出事。不過早前去馬爾代夫玩，游游有條電鰻我面前出現，同佢對望一陣先知驚，即刻游走。海洋生物都見過好多，見過一群BB鯊魚同魔鬼魚，我仲追住佢添！」
楊崢 經驗帶隊享受海底生活的楊崢，自言經驗不足，每次也找經驗同伴一齊潛水︰「我好鍾意睇好多魚游來游去，雖然我考到潛水牌，但自知唔可以潛得太深，所以有打算再考個高級牌。不過我唔夠膽話畀媽咪聽，因為潛水係好危險，每次出海我都好小心，加上我經驗少，一定要搵多個有經驗同伴一齊潛水。」
葉童 魔鬼同行早前葉童潛水時遇上魔鬼魚，竟然不知驚愈游愈近︰「我經常去度假，又鍾意水底世界，所以同過唔少海洋生物合照。好似我去菲律賓，酒店係Amanpulo旗下Amare Resorts，有齊潛水設施，潛水時仲親眼見到魔鬼魚！時鱷魚先生都未出事，我都未知驚，愈游愈近驚影唔到，諗番都幾危險！魔鬼魚尾有毒刺，豎起成把刀咁！下次影唔到就算，安全至上！」
【2006-9-19 東方日報】